Wrth fynd ati i lunio Astudiaeth Ddichonolrwydd wreiddiol ar gyfer SALT Cymru, un o’r tasgau cyntaf oedd diffinio’r technolegau hynny sy’n cael eu hystyried i fod yn perthyn i SALT (Technolegau Iaith a Lleferydd), gan fod peth anghysondeb yn bodoli yn y maes.

Dyma felly yr hyn sy’n cael ei gynnwys yn y diffiniad o SALT a arddelir gan SALT Cymru:

• Technoleg lleferydd
  (adnabod lleferydd,adnabod siaradwr, technegau testun-i-leferydd,
  codio a gwella lleferydd, prosesu lleferydd amlieithog)
• Mewnbwn iaith ysgrifenedig
  (OCR – adnabod nodau’n optegol, adnabod llawysgrifen)
• Dadansoddi, deall a chynhyrchu iaith
  (gramadeg, semanteg, parsio, disgwrs a deialog)
• Prosesu dogfennau
  (echdynnu termau a thestun, dehongli, crynhoi)
• Cyfieithu peirianyddol
  (gan gynnwys cyfieithu â chymorth cyfrifiadur, adalw gwybodaeth amlieithog)
• Amlfoddolrwydd
  (adnabod ystumiau a symud gwynebau, delweddu data testun)
• Adnoddau iaith
  (corpora llafar ac ysgrifenedig, lecsiconau, terminoleg)
• Gwerthuso
  (gwerthuso’r cyfan uchod)

Mae’r diffiniad hwn yn dilyn y Survey of the State of the Art.

Cliciwch yma i weld enghreifftiau o ddefnydd cyffredin o SALT.